16 ta' Lulju

Tifkira Solenni ta' l-Imqaddsa Verġni Marija ta' l-Għolja tal-Karmelu

Fjur tal-Karmnu, gran Reġina,

Omm ta' Kristu wisq ħanin,

Itlob dejjem Int għalina

Li ninsabu midinbin.

B'Labtu tiegħek Int libbistna

Bħala uliedek maħbubin:

Agħmel magħna dak li wegħedtna

Meta tajtu lill-bnedmin.

Ftakar x'għidt lil Xmuni tiegħek

Meta tajtu dar-rigal,

Mela żommna dejjem miegħek

Mirfudin b'dan is-sinjal.

Kollox tajtna kull ma rridu

B'Labtu tiegħek tant sabiħ:

Tina ngawdu l-frott ta' ġidu

Biex nifirħu dejjem bih.

Kemm ħabbejtna o Sultana
Meta tajtna dan l-ilbies:

Fittex biħ inti salvana

Bħal uliedek il-għeżież.

Mit-tiġrif inti eħlisna

F'dan il-Labtu kif wegħidt;

Mill-infern ukoll ħarisna

U fil-ġenna ħudna dritt.

Isma' lilna Omm ħanina

Bħala wliedek imlibbsin:

Ifraħ inti dejjem bina

Biex insiru qaddisin.