It-2 Ħadd ta' Lulju - Festa Madonna tal-Karmnu il-Fgura

Innu Popolari

Insellmulek Omm ħanina

Bl-isbaħ għanja ta' kull żmien

Int jixraqlek kull foħrija

Ismek jidwi kullimkien.

Illum ġejna hawn quddiemek

Imħabbitna lkoll nuruk

Ifrex fuqna l-mant tiegħek

Minn qiegħ qalbna nitolbuk.

Tgħaxxaq bina, Omm tal-Karmnu

B'dan il-Labtu imżejnin

Agħmel minna poplu qawwi

Quddiem Alla u l-bnedmin.

Ejjew, Poplu tal-Fgura

ninxteħtu bla dewmien

quddiemek, O Patruna

biex niksbu l-ħarsien.

Għalkemm żgħar quddiem id-dinja

Inħossuna wisq kburin

Għaliex tajtna d-dehen u s-saħħa

U mexxejja ferm għaqlin.

Qed naraw il-ħolma tagħna

Issir minna ta' kuljum

Minn daqsxejn ta' raħal ċkejken

Illum post modern, meqjum.

O Madonna tal-Karmelu

Tħalliniex li noffenduk

Saltan int dejjem fi qlubna

U għallimna inħobbuk.

Ejjew, Poplu tal-Fgura

ninxteħtu bla dewmien

quddiemek, O Patruna

biex niksbu l-ħarsien.

Kliem: A.Grech

Mużika: P. Mario Enriquez, O.Carm